Nodwch y dyddiad! Dydd Iau 17 Medi am 7yh yn neuadd y pentref.
Mae angen i 10% o gyfranddalwyr y siop fod yn bresennol a phleidleisio yn y Cyfarfod Blynyddol, a pha ffordd well o gyrraedd y targed hwnnw na chael raffl am ddim? Ac nid unrhyw raffl yn unig! Mae cyfle i ennill un o hamperau gwych Kayleigh – sy’n berffaith ar gyfer y Nadolig, yn ogystal â phenblwyddi a llawer o ddathliadau eraill. Gellir teilwra’r hamperau hyn yn unol â’ch dymuniadau!
Bydd y cyfarfod yn cynnwys crynodeb o gyfrifon y flwyddyn a chyflwyniad byr ar uchafbwyntiau ac isafbwyntiau’r flwyddyn; yn ogystal, cewch gyfle i bleidleisio dros y bwrdd cyfarwyddwyr a rhoi eich sylwadau ar unrhyw beth arall sy’n bwysig i chi. Bydd hyn gyd yn digwydd tra byddwch chi’n mwynhau paned a lluniaeth.
